ट्रायलका लागि विमल आज बेल्जियम जादै 

खरीबोट

काठमाडौँ। यसै वर्षदेखि ए डिभिजन लिगमा डेब्यु गरेका नेपाली राष्ट्रिय फुटबल टोलीका स्ट्राइकर विमल घर्ती मगरले लिगका बाँकी खेल नखेल्ने भएका छन् । 

च्यासल युथ क्लबका स्ट्राइकर विमल ट्रायल दिन बेल्जियम जाने भएपछि लिगका बाँकी खेल नखेल्ने भएका हुन् । विमल ट्रायलका लागि आज बेल्जियम जादै छन् । बेल्जियम जाने भएपछि विमलले च्यासलसँगको सम्झौता सहमतिमा रद्द गरेका छन् ।

विमलले लिगका खेल गुमाउने पुष्टि गर्दै च्यासल युथ क्लब, अफिसियल र शुभचिन्तकलाई धन्यवाद दिएका छन् । फेसबुकमार्फत उनले ए डिभिजन लिगमा डेब्यू गर्दा खुसी लागेको बताएका छन् । तर च्यासलले राम्रो शुरुवात गर्न नसकेको बताएका उनले च्यासलसँगको यात्रा सकिएको लेखेका छन् । 

भारत, बेल्जियम र नेदरल्याण्डसमा समेत व्यावसायिक फुटबल खेलिसकेका विमल ‘ए’ डिभिजन लिगमा भने यसै वर्षदेखि डेब्यु गरेका हुन् । विमलले यसअघि विसं २०७१ को राष्ट्रिय लिगमा सुदूरपश्चिमबाट खेलेका थिए ।

एन्फाको बुटवल एकेडेमीमा विसं २०६७ मा प्रवेश गरेका विमलले त्यहाँ रहेर दुई वर्ष प्रशिक्षण गरे । सन् २०१२ को एएफसी यू–१४ फेस्टिभलमा राम्रो प्रदर्शन गरेपछि उनलाई राजधानीको एकडेमीमा ल्याइयो । राष्ट्रिय टोलीका तत्कालीन प्रशिक्षक कृष्ण थापाले १४ वर्षकै उमेरमा उनलाई राष्ट्रिय टोलीबाट खेलाएका थिए । 

सम्बन्धित समाचार

मछिन्द्रलाई हराउदै मनाङ्ग लिगको शिर्ष स्थानमा फर्कियो 

काठमाडौँ। शहिद स्मारक ए डिभिजन लिग अन्तर्गत मनाङ्ग मर्स्याङदी क्लबले मछिन्द्र क्लबमाथि संघर्षपूर्ण जित हासिल गरेको छ। सोमबार भएको खेलमा मनाङ्गले मछिन्द्रलाई १-० गोल अन्तरले पराजित गरेको हो।  पहिलो हाफमा बिना

ब्रिगेड ब्वायजमाथि आर्मीको संघर्षपूर्ण जित

काठमाडौँ। शहीद स्मारक ए डिभिजन लिगमा विभागीय टिम आर्मी क्लबले ब्रिगेड ब्याइजमाथि १-० को संघर्षपूर्ण जित हासिल गरेको छ । सातदोबाटोस्थित एन्फा मैदानमा भएको खेलमा आर्मी खेलको सुरुवातदेखि नै आक्रामक खेले

ए डिभिजन लिगमा थ्रीस्टार र च्यासल विजयी, थ्रीस्टार शिर्ष स्थानमा उक्लियो 

काठमाडौं। शहिद स्मारक ए डिभिजन लिग अन्तर्गत आज भएको खेलमा जावलाखेल युथ क्लबलाई हराउँदै थ्रीस्टार क्लब लिगको शीर्ष स्थानमा उक्लिएको छ । ललितपुरका दुई प्रतिद्वन्द्वीबीचको खेलमा थ्रीस्टार २–० गोल अन्तरले विजयी

ए डिभिजन लिगमा सरस्वतीमाथि एपीएफको सहज जित

काठमाडौँ । शहीद स्मारक ए डिभिजन लिग अन्तर्गत आजको खेलमा विभागीय टिम एपीएफले जित हासिल गरेको छ । सात दोबाटोस्थित एन्फा मैदानमा भएको खेलमा एपीएफका रुपबहादुर लामाको दुई गोलको मद्धतले


z