- २०८१ बैशाख १५ शनिबार
काठमाडौँ। युरोपा लिगको समूह चरणको अन्तिम खेलमा प्रिमियर लिग क्लब चेल्सी बराबरी रोकिएको छ। भने आर्सनलले जित हासिल गरेको छ।
यसअघि नै नकआउट चरणमा पुगिसकेको चेल्सी समूह चरणको अन्तिम खेलमा भिडीसँग २-२ गोलको बराबरीमा रोकिएको हो । दोस्रो रोजाईका खेलाडीलाई मैदानमा उतारेको चेल्सीले भिडीसँग बराबरी खेले पनि समूह एलबाट विजेताका रुपमा अन्तिम ३२ मा प्रवेश गरेको छ । चेल्सीका लागि विलियन र ओलिभर जिराउडले एक एक गोल गरेका थिए भने भिडीका लागि निगोले एक गोल गरे भने एक गोल चेल्सीका एमपाडुले आत्मघाती गोल गरेका थिए।
त्यस्तै आर्सनलले पनि समूहको अन्तिम खेलमा क्वाराबगलाई १-० मा पराजित गर्दै समूहको विजेताका रुपमा नकआउट चरणमा प्रवेश गरेको छ । समूह इ को विजेता बनेको आर्सनलले गए राति क्वाराबगलाई पराजित गर्ने क्रममा खेलको एक मात्र गोल लाकाजेटीले गरेका थिए।
