- २०८१ बैशाख १४ शुक्रबार
रुपन्देही । रुपन्देहीमा प्रहरीले हानेको गोली लागेर एकजनाको मृत्यु भएको छ ।
जिल्ला प्रहरी कार्यालय रुपन्देहीका अनुसार सिद्धार्थनगर-१० शंकरपुरमा गस्तीमा रहेको प्रहरीमाथि भारतीय नम्बर प्लेटको मोटरसाइकलमा सवार तस्करले गोली हानेपछि जवाफी कारवाहीमा एकजनाको मृत्यु भएको हो ।
मृतकको सनाखत हुन् नसकेको प्रहरीले जनाएको छ । साथै तस्करको गोली लागेर प्रहरी जवान कृष्ण श्रेष्ठ घाइते भएका छन् । श्रेष्ठको बायाँ पाखुरामा गोली लागेको रुपन्देही प्रहरीले जनाएको छ ।
प्रहरीले घटनास्थलबाट अटोमेटिक लोडेड पेस्तोल तथा उनले प्रयोग गरेको यूपी ५३ एच २०२८ नम्बरको भारतीय नम्बर प्लेटको मोटरसाइकल बरामद गरेको छ ।
