काठमाडौं । क्रिकेट खेलाडी संघ (सिप्यान) को आयोजनामा भएको पहिलो सीप्यान क्रिकेट अवार्ड २०१९ को बर्षको उत्कृष्ट महिला खेलाडीको अवार्ड सिता राना मगरले जितेकी छन् ।
क्रिकेट खेलाडी संघले पहिलो पटक प्रदान गरेको एनसीसीएस–सीप्यान अवार्डमा सीताले वर्ष क्रिकेट खेलाडी महिलाको को अवार्ड जितेकी हुन् ।
वर्ष क्रिकेट खेलाडी महिलाको मनोनयनमा इन्दु शर्मा, करुणा भण्डारी, सविना श्रेष्ठ, सरिता मगर र सीता रानामगर रहेका थिए ।
सीताले हालै थाइल्याण्डमा सम्पन्न महिला विश्वकपका लागि एशिया स्तरको छनौट का ६ खेलमा कुल १३८ रन बनाउदै नेपाललाई उपविजेता बनाउन महत्वपूर्ण भूमिका खेलेकी थिइन् ।
नेपाली राष्ट्रिय क्रिकेट टिमका मुख्य प्रशिक्षक जगत टमाटा, महिला टिमका प्रशिक्षक विनोद दास, अम्पायर विनयकुमार झा र दुर्गानाथ सुवेदी तथा खेलकुद पत्रकार मञ्चका प्रतिनिधिहरु सरिता श्रेष्ठ र सुवास हुमागाई र टेक्निकल कोअर्डिनेटर रमन शिवाकोटी रहेको एक प्राविधिकको छनौट समितिले अवरद विजेता छनौट गरेको हो ।