- २०८१ बैशाख १४ शुक्रबार
पुर्व मूमा बडामहारानी रत्नराज्य लक्ष्मीदेवी शाह अस्पतालबाट डिस्चार्ज भएकी छन् ।
यही फागून २१ गते काठमाडौँस्थित नर्भिक अस्पतालमा उपचारको लागि भर्ना भएकि रत्न स्वास्थ्य ठिक भएपछि आज अस्पतालबाट डिस्चार्ज भएकी हुन् ।
९१ बर्षीय रत्नलाई खोकी लाग्ने, कफ आउन गाह्रो हुने समस्या देखिएको थियो । साथै उनलाई हाल पातलो दिशा हुने र पिसाब कम हुने समस्या पनि देखिएको थियो ।
उनको डा. खगेन्द्रबहादुर श्रेष्ठ, डा. मृगेन्द्रराज पाण्डे, डा. मधु घिमिरे र डा. ब्रजेन्द्र श्रीबास्तवको टिमले उपचार गरेको थियो ।
पुर्व बडामहारानी रत्न, पुर्व राजा ज्ञानेन्द्र शाह तथा पुर्व रानी कोमलका तर्फबाट उपचारमा संलग्न चिकित्सक, कर्मचारी, व्यवस्थापन एवं स्वास्थ्य लाभको कामना गर्ने सबै शुभेच्छुकलाई धन्यवाद दिएका छन् ।
