- २०८१ बैशाख २४ सोमबार
काठमाडौँ । प्रदीप भट्टराई निर्देशित नयाँ फिल्म ‘जात्रै जात्रा’ को ट्रेलर सार्वजनिक भएको छ ।
अभिनेता विपिन कार्की, रबिन्द्र झा र रबिन्द्र सिंह बाँनिया सुन लुकाउन संघर्ष गरिरहेका छन् भने अभिनेता दयाहाङ राई हराएको सुन खोज्दै गरेको ट्रेलरमा देखाइएको छ । ट्रेलरमा बोलिएका संवादहरु रमाइला र उत्कृष्ट रहेका छन् ।
आगामी जेठ ३ गतेबाट मुलुकभर प्रदर्शनमा आउन लागेको जात्रै जात्रा करीब २ वर्ष अगाडि प्रदर्शनमा आएको फिल्म ‘जात्रा’ को सिक्वेल हो ।
कथा हेर्दा दुवै फिल्ममा धेरै समानता रहेको ट्रेलरबाट बुझ्न सकिन्छ । पहिलो भागमा भेटाएको पैसा लुकाउन पात्रहरुले गर्ने संघर्षको कथा थियो । ‘जात्रै जात्रा’ मा भेटाएको सुन लुकाउन र धनी बन्ने लोभमा फिल्मका प्रमुख पात्रहरु देखिएका छन् ।
यो फिल्मका कार्यकारी निर्माता रविन्द्र सिंह बनियाँ हुन् । फिल्ममा यज्ञश्वर पौडेल र सिंगे लामाको लगानी छ । मित्र डि. गुरुङको सम्पादन रहेको फिल्मलाई शिवराम श्रेष्ठले खिचेका हुन् ।
यस फिल्ममा दयाहाङ राई, विपिन कार्की, रबिन्द्र झा र रबिन्द्र सिंह बाँनियाका अलावा, प्रकाश घिमिरे, अञ्जु महर्जन, सोहित मानन्धर, सुस्मिता कार्की, प्रेम पाण्डे, प्रियंका झालगायतका कलाकारहरुको पनि अभिनय रहेको छ ।
यसमा शंकर महर्जन द्वन्द्व निर्देशन छ । निर्देशक भट्टराई आफैंको कथा रहेको फिल्ममा कालीप्रसाद बाँस्कोटा र कृष्ण भारद्वाजको संगीत छ ।
फिल्ममा अभिनेता दयाहाङ भने जात्रामा थिएनन् बहने यस फिल्ममा महत्वपूर्ण भूमिकामा रहेको ट्रेलर हेर्दा थाह हुन्छ ।
‘जात्रै जात्रा’ को ट्रेलर :
