- २०८१ बैशाख १७ सोमबार
वीरगंज । अख्तियार दुरुपयोग अनुसन्धान आयोग हेटौंडाको टोलीले पाँच हजार घुस लिँदै गरेका पर्सामा कार्यरत प्रहरी जवान गम्भीरा साह तेलीलाई रंगेहात पक्राउ गरेको छ ।
सोमवार दिउँसो वीरगञ्जको माईस्थान चोकको दही पसलमा बसेर सेवाग्राहीसँग नगद पाँच हजार लिँदै गरेको अवस्थामा अख्तियारको टोलीले उनलाई रंगेहात पक्राउ गरेको हो ।
पक्राउ परेका प्रहरी जवान तेलीलाई अख्तियार दुरुपयोग अनुसन्धान आयोगको कार्यालय हेटौंडा लगी थप अनुसन्धान गरिने टोलीले जनाएको छ ।
