- २०८१ बैशाख १६ आइतबार
काठमाडौँ । नेपालको पहिलो कमेडी रियालिटी शो ‘कमेडी च्याम्पियन’को उपाधि हिमेश पन्तले जितेका छन् ।
शनिबार सम्पन्न फाइनलमा दुई प्रतिस्पर्धी सुमन कोइराला, खड्गबहादुर पुन मगरलाई पछि पार्दै पन्तले ‘कमेडी च्याम्पियन’को उपाधि जितेका हुन् ।
कमेडी च्याम्पियनका निर्णायकले पन्तलाई फाइनलका लागि सिधै छानेका थिए भने मगर र कोइराला भने भोटबाट छानिएका थिए ।
सुमन र खड्ग एक पटक आउट भएर वाइल्ड कार्ड इन्ट्रीबाट शोमा फेरी आउदै फाइनल सम्म पुगेका थिए ।
विजेता पन्तले २५ लाख नगद र एक कार पुरस्कारस्वरूप प्राप्त गरेका छन् ।
कमेडी च्याम्पियनमा सन्तोष पन्त, मनोज गजुरेल, प्रदीप भट्टराई र रिचा शर्मा निर्णायक रहेका थिए भने रिमा विश्वकर्माले शो संचालन गरेकी थिइन् ।
