- २०८१ बैशाख २२ शनिबार
काठमाडौँ । नेपली युवा गायक दिवेश पोखरेल (अर्थर गन) ले अमेरिकन आइडलको हलिवुड वीकमा आफ्नो प्रस्तुति दिएका छन् ।
सोमबार प्रशारण भएको दिवेशको प्रस्तुतिमा अमेरिकन आइडलका जजहरुले उनको प्रस्तुतिलाई निकै मन पराएका थिए ।
दिवेशले हलिवुड राउण्डमा १९६८ मा अमेरिकन गायक ओटीस रेडीङको सुपर हिट गीत 'हार्ड टू ह्यान्डिल' गाएका थिए । उनको प्रस्तुतिपछि जजहरुले पुरा गीत गाउन अनुरोध गरेका थिए ।
दिवेशले प्रस्तुति दिदा जजले उठेर उनको सम्मान गरेका थिए ।
जज लियोनल रिचीले दिवेशको प्रस्तुतिले आफुलाई बब मार्लीको झल्को दिएको प्रतिक्रिया दिदै उनको प्रसंशा गरेका थिए ।
यस अघि फागुनको पहिलो सातामा भएको अडिसनबाट छनोटसँगै उनको चर्चा एकाएक बढेको थियो ।
अमेरिकामा आफ्नो नाम अर्थर गन राखेका दिवेश सन् २०१४ मा उच्च अध्ययनका लागि काठमाडौंबाट अमेरिका पुगेका थिए ।
अनलाइन अडिसन र विचिटामा अमेरिकन आइडलका छनोटकर्ता सँगको प्रस्तुतीबाट आइतबारको अडिसन पुगेका २१ वर्षीय दिवेशले शुरुमा बब डिलनको ‘गर्ल फ्रम द नर्थ कन्ट्री’ गीत गाएका थिए । साहित्यमा नोबेल पुरस्कार विजेता यी महान संगीतकार डिलनले सन् १९६३ मा यो गीत रेकर्ड गराएका थिए ।
दिवेशको प्रस्तुतीबाट प्रभावित निर्णायक केटी पेरी, लियोनल रिची र लुक ब्रायनले आँखा खोलेर निर्णायकलाई या गितारलाई हेरेर अर्को गीत गाउन लगाएका थिए, जहाँ उनले क्रिडेन्स क्लियरवाटर रिभाइभ्ड ब्याण्डको ‘ह्याभ यू एभर सीन द रेन’ गीत गाएका थिए ।
दिवेशको हलिवुड वीकको प्रस्तुति भिडियो :
