निर्वाचनको दिन सार्वजनिक विदा, शिक्षण संस्था भने चार दिन बन्द हुने 

काठमाडौं । प्रनिधि सभा र प्रदेश सभाको मंसिर १० र २१ गते चुनाव हुने जिल्लामा सरकारले सार्वजनिक बिदा दिएको छ । मंसिर १० गते ३२ जिल्लामा र २१ गते ४५ जिल्लामा सार्वजनिक बिदा हुने गृह मन्त्रालयले जनाएको छ ।

प्रदेश नम्बर १ का सोलुखुम्बु, संखुवासभा, भोजपुर, ओखलढुंगा, ताप्लेजुङ, पाँचथर र खोटाङ, प्रदेश नम्बर ३ का नुवाकोट, रसुवा, धादिङ, सिन्धुपाल्चोक, दोलखा र रामेछाप, प्रदेश नम्बर ४ का मुस्ताङ, म्याग्दी, बाग्लुङ, मनाङ, लम्जुङ र गोरखा, प्रदेश नम्बर ५ का रुकुम पूर्वि भाग र रोल्पा तथा प्रदेश नम्बर ७ का दार्चुला, बझाङ, बाजुरा र बैतडीमा १० गते आइतबार बिदा हुने छ । यी जिल्लाका शिक्षण संस्थामा भने ७ गतेदेखि १० गतेसम्म नै सार्वजनिक बिदा दिइएको छ ।

यस्तै दोस्रो चरणको चुनाव हुने ४५ जिल्लामा २१ गते सार्वजनिक बिदा हुनेछ भने यी जिल्लाका शिक्षण संस्थामा भने १८ गतेदेखि २१ गतेसम्म बिदा दिने निर्णय भएको गृह मन्त्रालयले जनाएको छ ।