- २०८१ बैशाख २३ आइतबार
काठमाडौं । नेकपा एमालेका वरिष्ठ नेता माधवकुमार नेपालले उपाध्यक्ष बामदेव गौतमबीच भेटवार्ता भएको छ ।
मंगलबार दुई नेताबीच नयाँ बानेश्वरस्थित होटल अर्यालमा भेटवार्ता भएको हो । नेता नेपालले एमले विभाजन गर्ने निर्णय गरेमा नेता गौतमले नेपाललाई साथ दिनसक्ने अनुमान गरिएको छ ।
यस अघि अघिल्लो साता एमालेको स्थायी कमिटी बैठकमा नेता गौतम उपस्थित भएपनि अधय्क्ष केपी शर्मा ओलीसँग आरोप प्रत्यारोप भएपछि केन्द्रीय कमिटीको बैठकमा अनुपस्थित रहेका थिए । नेता गौतम आज बसेको एमालेको स्थायी कमिटी बैठकमा पनि अनुपस्थित रहेका थिए ।
यसअघि नेपालले आजै सिंहदरबारमा साउन ३ मा प्रधानमन्त्री देउवालाई मत दिँदा तटस्थ बसेका एमाले सांसदहरूसँग छलफल गरेका थिए ।
सरकारले नेपाल पक्षलाई दल विभाजन गर्न सहज हुने गरी राजनीतिक दलसम्बन्धी अध्यादेश ल्याउने निर्णय गरिसकेको बेला नेता नेपाल सक्रिय भएका छन् ।
