- २०८१ बैशाख २१ शुक्रबार
विराटनगर । मोरङको लेटाङमा एक महिला प्रहरीको ज्यान जाने गरी भएको घटना छानबिन गर्न पाँच सदस्यीय समिति गठन गरिएको छ ।
प्रदेश १ प्रहरी कार्यालय विराटनगरले घटना छानबिन गर्न प्रहरी वरिष्ठ उपरीक्षक (एसएसपी) राजेन्द्रप्रसाद चौधरीको नेतृत्वमा समिति गठन गरेको हो ।
घटनाको सबै पक्षको अनुसन्धान गर्ने र दोषी पत्ता लगाउने गरी समितिलाई कार्यादेश दिइएको प्रदेश प्रहरी कार्यालय विराटनगरले जानकारी दिएको छ । एसएसपी चौधरी प्रदेश–१ प्रहरी कार्यालय, अपराध नियन्त्रण तथा अनुसन्धान महाशाखा प्रमुखका रूपमा कार्यरत छन् ।
लेटाङमा छात्रामाथि यौनजन्य दुर्व्यवहार गरेको घटनापछि गएको आइतबार झडप भएको थियो । सो झडपमा प्रहरी जवान उर्मिला श्रेष्ठको मृत्यु भएको थियो भने २५ प्रहरी र सात सर्वसाधारण घाइते भएका थिए ।
