- २०८१ बैशाख १७ सोमबार
काठमाडौँ । नेपाली राष्ट्रिय महिला फुटबल टिमकी कप्तान एन्जिला तुम्बापो सुब्बाले भारतको शीर्ष डिभिजनको लिग खेल्ने भएकी छिन् । २०२३ सिजनको इन्डियन वुमन्स लिगका लागि सेथु एफसीले सुब्बालाई सम्झौता गरेको हो ।
यसै वर्ष नेपाली राष्ट्रिय टिमको कप्तान नियुक्त भएकी सुब्बा भारतको शीर्ष डिभिजनको महिला लिग खेल्ने नेपालको तेस्रो खेलाडी बन्न लागेकी छन् ।
यसअघि सेथु एफसीबाट सन् २०१९ मा सावित्रा भण्डारी र अनिता बस्नेतले खेलेका थिए भने उनीहरुले सो बर्ष उपाधि समेत जितेका थिए ।
यो सिजनको इन्डियन वुमन्स लिगको पहिलो चरण जनावरी दोस्रो सातादेखि सुरु हुदै छ । गत सिजनको लिगमा दोस्रो भएको सेथु एफसी यस सिजनमा सिधै फाइनल चरण खेल्दैछ ।
