- २०८१ बैशाख १७ सोमबार
काठमाडौं । चलचित्र विकास बोर्डले चलचित्रको पटकथा लेखन र निर्देशन विषयमा तीनदिने कार्यशाला आयोजना गर्ने भएको छ ।
विभिन्न पुरस्कारहरू विजेता भारतीय फिल्ममेकर तथा पूर्व एफटीआईआई (फिल्म एण्ड टेलिभिजन इन्स्टिच्युट अफ इन्डिया, पुणे)का एसोसिएट प्रोफेसर अनुपम बर्वेको साथमा ३–५ चैतमा कार्यशाला आयोजना हुन लागेको हो ।
बोर्डको चालु आर्थिक वर्षको स्वीकृत कार्यक्रमअन्तर्गत आयोजना हुने यो कार्यशालामा सहभागी हुन शुल्क नलाग्ने बोर्डका प्रेस संयोजक जीवन पराजुलीले जानकारी दिए ।
उनकाअनुसार बोर्डको हलमा हुने कार्यशाला दैनिक बिहान १०ः३० बजेदेखि दिउसो ३ः३० बजेसम्म सञ्चालन हुनेछ । कार्यशालामा सहभागी हुन बोर्डको वेबसाइट तथा सोसल प्रोफाईलमा रहेको फारम भर्नुपर्ने उनले बताए ।
