काठमाडौं । सहिद स्मारक ’ए’ डिभिजन लिग फुटबलमा थ्री स्टार क्लब र एफसी खुमलटारबीचको खेल बराबरी भएको छ ।
च्यासल मैदानमा मंगलबार थ्री स्टारले एफसी खुमलटारसँग २–२ गोलको बराबरी खेलेको हो ।
गोलबाट थ्री स्टारका लागि लाकेन लिम्बूू र आदित्य शाक्यले पेनाल्टीमार्फत गोल गरे । खुमलटारका लागि मेसुके ओलुमोउ र समिर बिनोङलले गोल गरे ।
यस बराबरीसँगै थ्री स्टारले शीर्ष स्थानमा उक्लने अवसर गुमाएको छ । थ्री स्टार १४ खेलमा २३ अंक जोडेर दोस्रो स्थानमा रहेको छ ।
खुमलटारले १४ खेलमा १४ अंक जोडेको छ । खुमलटार पुछारमा रहेको छ ।