- २०८१ बैशाख १७ सोमबार
काठमाडौँ । युइएफए युरोकप छनौट अन्तर्गत पोर्चुगलले बोस्निया हर्जगोभिनामाथि फराकिलो जित हासिल गरेको छ ।
गएराती सम्पन्न खेलमा पोर्चुगलले बोस्निया हर्जगोभिनामाथि ५-० को जित हासिल गरेको हो ।
पोर्चुगलको जितमा क्रिस्टियानो रोनाल्डोले २ गोल गरेका थिए । योसँगै रोनाल्डोको अन्तर्राष्ट्रिय गोल संख्या १२७ पुगेको छ । त्यस्तै पोर्चुगलका लागि ब्रुनो फर्नानडेज, जोआओ क्यान्सेलो र जोआओ फेलिक्सले एक एक गोल गरेका थिए ।
युरोकपमा छनौट भइसकेको पोर्चुगलको यो लगातार आठौ जित हो । यो जितपछि पोर्चुगलको समुह जे मा ८ खेलमा २४ अंक भएको छ र समुहमा शिर्ष स्थानमा रहेको छ ।
त्यसैगरी बोस्निया हर्ज गोभिनाको भने ८ खेलमा ९ अंक छ र समुहमा पाँचौं स्थानमा रहेको छ ।
