- २०८२ असोज २२ बुधबार
काठमाडौँ । २०२५ को भौतिकशास्त्रमा नोबेल पुरस्कार क्वान्टम मेकानिक्सको क्षेत्रमा अभूतपूर्व खोजहरूका लागि तीन वैज्ञानिक - एक बेलायती, एक फ्रान्सेली र एक अमेरिकी अनुसन्धानकर्तालाई प्रदान गरिएको छ ।
मंगलबार नोबेल समितिले स्वीडेनको स्टकहोममा आयोजित एक समारोहमा भौतिकशास्त्रको नोबेल पुरस्कार घोषणा गरेको हो । जसमा जोन क्लार्क, मिशेल डेभोरेट र जोन मार्टिनिसले 'विद्युतीय सर्किटमा म्याक्रोस्कोपिक क्वान्टम मेकानिकल टनेलिङ र ऊर्जा परिमाणीकरणको खोजको लागि' पुरस्कार दिएको जानकारी दिएको छ ।
समितिले 'हातमा समात्न पर्याप्त ठूलो प्रणालीमा क्वान्टम संसारको अनौठो गुणहरू कंक्रीट बनाउन सकिन्छ' भनेर प्रदर्शन गरेकोमा पुरस्कार विजेताहरूको प्रशंसा गरेको छ ।
पुरस्कार विजेत जोन क्लार्कले आफुहरुले कुनै पनि हिसाबले आफुहरुले गरेको यो अनुसन्धान नोबेल पुरस्कारको विषय हुने कुरा नसोचेको प्रतिक्रिया दिएका छन् ।
गत वर्ष, यो पुरस्कार जेफ्री हिन्टन जसलाई 'एआईका गडफादर' भनिन्छ र जोन हपफिल्डलाई मेसिन लर्निङमा उनीहरूको आधारभूत खोजका लागि प्रदान गरिएको थियो, जसले आज कृत्रिम बुद्धिमत्ता कसरी प्रयोग गरिन्छ भन्ने मार्ग प्रशस्त गरेको थियो । २०२३ मा, यो पुरस्कार युरोपेली वैज्ञानिकहरूको तीन जनालाई दिइयो जसले इलेक्ट्रोनहरूको द्रुत गति बुझ्न लेजरहरू प्रयोग गरेका थिए ।
