- २०८३ असोज २३ शुक्रबार
काठमाडौँ । नेपाली कांग्रेसको १५औँ महाधिवेशनअन्तर्गत केन्द्रीय कार्यसमिति चयनका लागि मतदान जारी छ । केन्द्रीय निर्वाचन समितिका अनुसार दिउँसो २: ३० बजेसम्म ३७५४ मत खसेको छ ।
निर्वाचन समितिले सार्वजनिक गरेको विवरणअनुसार कोशी प्रदेशमा ६१३, मधेसमा ५९०, सुदूरपश्चिम, कर्णाली र जनसम्पर्क समितितर्फका ७३३ जना, लुम्बिनीमा५७९, गण्डकीमा ५०७ र बागमतीमा ७३२ जनाले मतदान गरेका छन् ।
यस महाधिवेशनमा मतदान गर्ने प्रतिनिधि ७ हजार ३१७ जना रहेका छन् ।
कांग्रेसको १५औँ महाधिवेशनअन्तर्गत केन्द्रीय कार्यसमितिका पदाधिकारी तथा सदस्य चयनका लागि मतदान भइरहेको छ । निर्वाचन समितिले साँझ ५ बजेसम्मका लागि मतदानको समय तोकेको छ ।
प्रतिनिधिहरूको सहजताका लागि प्रदेश र प्रतिनिधित्वको आधारमा छुट्टाछुट्टै मतदान केन्द्रको व्यवस्था गरिएको छ । जस अनुसार राष्ट्रिय सभागृह, खुलामञ्च र प्रज्ञा भवनमा मतदान केन्द्र तोकिएको छ ।
