- २०८३ असोज २४ शनिबार
काठमाडौँ । पछिल्लो २४ घण्टामा देशका विभिन्न स्थानमा भएका सवारी दुर्घटनामा ११ जनाको मृत्यु भएको छ भने १८० जना घाइते भएका छन् ।
नेपाल प्रहरीले दिएको जानकारी अनुसार दुर्घटनामा गण्डकीमा ७ जनाको मृत्यु भएको छ भने लुम्बिनी प्रदेशमा २ तथा कर्णाली र कोशी प्रदेशमा एक एक जनाको मृत्यु भएको छ ।
त्यस्तै देशभर भएका दुर्घटनामा १८० जना घाइते भएका छन् । जस अनुसार मधेश प्रदेशमा ३० जना घाइते भएका छन् भने कोशीमा ३५ जना, काठमाडौँ उपत्यकामा ३० जना, सुदूरपश्चिममा ११ जना, बागमतीमा २ जना घाइते भएका छन् भने लुम्बिनीमा ४५ जना, कर्णालीमा ६ जना र गण्डकीमा २१ जना घाइते भएका छन् ।
