• २०८३ मङ्सिर ६ आइतबार

बहराइनमा अमेरिकी क्षेप्यास्त्र प्रतिरक्षा प्रणालीका राडारमा आक्रमण गरेको इरानको दाबी

बहराइनमा अमेरिकी क्षेप्यास्त्र प्रतिरक्षा प्रणालीका राडारमा आक्रमण गरेको इरानको दाबी

काठमाडौं । इरानको इस्लामिक रिभोलुसनरी गार्ड कर्प्सले बहराइनमा रहेको अमेरिकी सेनाको प्याट्रियट हवाई प्रतिरक्षा प्रणालीका दुई राडारलाई निशाना बनाएको दाबी गरेको छ ।

इरानका स्थानीय मिडियाका अनुसार बहराइनको अल रिफा र अवालीस्थित दुई सैन्य शिविरमा जडान गरिएका राडारमाथि क्षेप्यास्त्र र मानवरहित विमानमार्फत आक्रमण गरिएको इरानी रिभोलुसनरी गार्ड्सले जनाएको छ ।

रिभोलुसनरी गार्ड्सको जनसम्पर्क विभागले इरानको हवाई क्षेत्रमा निरन्तर उल्लङ्घन तथा आफूमाथि भइरहेको आक्रामक गतिविधिको जवाफस्वरूप आक्रमण गरिएको उल्लेख छ ।

अमेरिकी सेनाका एमक्यू–१ र एमक्यू–९ नामक दुई जासुसी मानवरहित विमान इरानको हवाई क्षेत्रमा प्रवेश गरेपछि उक्त कारबाही गरिएको हो ।

इरानको रिभोलुसनरी गार्ड्सले आफ्नो हवाई क्षेत्र उल्लङ्घन गर्ने कुनै पनि देश वा आक्रामक शक्तिलाई कडा र निर्णायक जवाफ दिने चेतावनीसमेत दिएको छ ।

यद्यपि, बहराइनस्थित अमेरिकी सैन्य शिविरका राडारमा क्षति पुगेको वा आक्रमणबाट भएको क्षतिको अमेरिकी पक्षले पुष्टि भने गरेको छैन ।

सम्बन्धित खबर

पढ्नै पर्ने

लोकप्रिय

भर्खरै