- २०८१ बैशाख २० बिहीबार
काठमाडौँ। सन्दीप लामिछाने एशिया कप क्वालिफायरमा सबै भन्दा धेरै विकेट लिने बलरको सुचीमा दोस्रो स्थानमा रहेका छन् । सन्दीपले ५ खेलमा १४ विकेट लिदै हङकङका बलर नदीम अहमदसँगै १४ विकेट लिएका हुन् ।
क्वालिफायरमा सबैभन्दा धेरै विकेट भने युएईका बलर अहमद राजाले लिएका छन्। राजाले ६ खेलमा १६ विकेट लिएका छन्। अहमदले सिंगापुरबिरुद्ध ६ विकेट लिएका थिए भने नेपाल र मलेसियाविरुद्ध ४-४ विकेट लिएका थिए। ओमान र हङकङविरुद्ध एक विकेट लिएका थिए । अहमद यस प्रतियोगिताको म्यान अफ द सिरिज पनि बनेका छन्।
पहिलो खेल ओमानविरुद्ध हल्का इन्जुरीका कारण लय गुमाएका सन्दीपले दोस्रो खेलमा युएईविरुद्ध ४ विकेट लिएका थिए। त्यस्तै मलेसियाविरुद्ध २ विकेट लिए भने सिंगापुरविरुद्ध ३ विकेट लिएका थिए। हङकङसँगको खेलमा सन्दीपले ५ विकेट लिदै नेपाललाई जितको नजिक लागेका थिए ।
त्यस्तै हङकङका बलर नदीम अहमदले भने ६ खेलमा १४ विकेट लिएका हुन्। अहमदले मलेसिया र सिंगापुरविरुद्ध ४-४ विकेट लिएका थिए भने युएईविरुद्धका २ खेलमा २ र ३ विकेट लिएका थिए। त्यस्तै नेपालविरुद्ध अहमदले एक विकेट लिएका थिए ।
