- २०८१ बैशाख १४ शुक्रबार
काठमाडौँ। 'बाटो मुनीको फूल' बाट अभिनयमा चर्चामा आएका गायक यशकुमार अभिनित तथा निर्देशित फिल्म ‘छिरिङ्ग’ को अफिसियल ट्रेलर सार्वजनिक भएको छ ।
फिल्ममा प्रेम र द्वन्द्व देखाइएको छ । यो फिल्मले बहुपतिप्रथाको कथामा बनाइएको छ । नव-नायिका कामना भुजेलसँग दुई अभिनेता तथा गायक यश र निमा रुम्बाले रोमान्स गरेका छन् ।
सुनिल माथेमा प्रधान, आइबी दर्नाल र नवीन बुढाथोकीको निर्माण रहेको फिल्मलाई यश र याम थापाले मिलेर लेखेका हुन् । यशको यो पहिलो निर्देशित फिल्म हो ।
‘छिरिङ्ग’ मा मानकृष्ण महर्जनको छायांकन, चन्द्र पन्तको द्वन्द्व, कविराज गहतराजको कोरियोग्राफी, मिलन श्रेष्ठ र साहिल खानको सम्पादन छ । फिल्म आगामी असोज १२ गते देशव्यापी रिलिज हुँदैछ ।
दुई पति भएकी एक युवतीले गर्नुपरेको भौतिक, मानसिक, सामाजिक र सांस्कृतिक द्वन्द्व फिल्मको कथावस्तु हो । उपल्लो मुस्ताङको सेट खडा गरिएको फिल्म खिचिएको हो ।
