- २०८१ बैशाख २६ बुधबार
काठमाडौं। राष्ट्रिय टिमका पुर्व कप्तान एवं हाल नेपाली अन्डर १९ टिमका प्रशिक्षक विनोद दास रुस्लान धनगढी प्रिमियर लिग (डिपिएल-३) को निर्देशकमा नियुक्त भएका छन् ।
धनगढी क्रिकेट एकेडेमीले विज्ञप्ति जारी गर्दै दासलाई प्रतियोगिता निर्देशकका रुपमा नियुक्त गरेको जानकारी दिएको छ ।
प्रतियोगितामा देशभरका ६ वटा टिम सहभागी छन् । जसमा टिम चौराहा धनगढी, सीवाईसी अत्तरिया, रुपन्देही च्यालेन्जर्स, महेन्द्रनगर युनाइटेड, काठमाडौं गोल्डेन्स र विराटनगर किंग्स नै रहनेछन् । डीपीएलका प्रत्येक टिममा १५-१५ खेलाडी हुनेछन् भने प्रतियोगितामा कुल १९ खेल हुनेछन्।
माघ १९ देखि फाल्गुन ४ गतेसम्म धनगढीको फाप्ला क्रिकेट मैदानमा हुने प्रतियोगिताको अनुमानित बजेट ५ करोड रूपैयाँ रहेको छ । हालै सम्पन्न पोखरा प्रिमियर लिगमा विनोद पोखरा पल्टनको प्रशिक्षक थिए ।
