- २०८१ बैशाख २९ शनिबार
काठमाडौँ । युरोकप छनौट अन्तर्गत इटालीले विजयी सुरुवात गरेको छ । गएराती भएको खेलमा इटालीले फिनल्याण्डलाई २-० गोल अन्तरले पराजित गरेको छ ।
इटालीको जितमा निकोलो बरेल्ला र मोएस कीनले एक एक गोल गरेका थिए । २२ बर्षिय बरेल्लाले खेलको ७औ मिनेटमा गोल गर्दै इटालीलाई सुरुवाती अग्रता दिलाएका थिए भने १९ बर्षिय युभेन्टसबाट खेल्ने युवा खेलाडी कीनले खेलको ७४औ मिनेटमा गोल गर्दै इटालीको अग्रता दोब्बर गरेका थिए ।
कीन इटालीका लागि गोल गर्ने दोस्रो कम उमेरका खेलाडी बनेका छन् । उनलाई इटालीको नयाँ फुटबल स्टारको रुपमा हेरिएको छ ।
सन् २०१८ को विश्वकपमा छनौट हुन असफल भएको इटालीले जितसँगै युरोकपमा भने सुखद सुरुवात गरेको छ ।
इटालीले आगामी मंगलबार लिएचटेनस्टेइनविरुद्ध खेल्दै छ ।
