विश्वकप खेल्ने टिमबाट बाहिर भएपछि जुनैदको यस्तो विरोध !

खरीबोट

काठमाडौं । पाकिस्तानको विश्वकप टिमबाट बाहिर भएपछि तिब्र गतिका बलर जुनैद खानले मुखमा कालो पट्टि बाधेर विरोध गरेका छन् ।

सोमबार पाकिस्तानी क्रिकेट बोर्डले विश्वकप खेल्ने आफ्ना १५ सदस्यीय टिममा तीन खेलाडी परिवर्तन गर्दा जुनैद बाहिरिएका थिए ।

उनले सामाजिक संजालमा सत्य तितो हुन्छ, यसबारे म केहि बोल्दिन भन्दै मुखमा कालो टेप लगाएको तस्वीर सार्वजनिक गरेका थिए । तर पछि उनले सो पोस्ट हटाएका छन् ।

हालै इङल्याण्डमा भएको एकदिवसीय सिरिजका सबै खेलमा पाकिस्तान पराजित भएपछि बोर्डले तीन खेलाडी परिवर्तन गरेको थियो । 

यस अघि टिममा नपरेका तिब्र गतिका बलर मोहमद आमिर, वहाव रियाज र आसिफ अलीलाई टिममा समावेश गरिएको छ ।

आमिर, रियाज र अली टिममा समावेश भएपछि उनीहरुको सट्टामा जुनैद खान, फहीम अशरफ र अबिद अली विश्वकप टिमबाट बाहिर भएका छन् ।       

आगामी मे ३० देखि जुलाई १४ सम्म इङल्याण्ड र वेल्समा हुने क्रिकेट विश्वकपका लागि पाकिस्तानको कप्तानमा सरफराज अहमद रहेका छन् । 

पाकिस्तानको विश्वकप खेल्ने खेलाडीहरुमा सरफराज अहमद (कप्तान), वहाव रियाज, बबर आजम, आसिफ अली, फाखर जमान, हरिस सोहेल, हसन अली, इमाद वाशिम, इमाम उल हक, मोहमद आमीर, मोहमद हाफिज, मुहमद हसनैन, शदाब खान, शाहीन शाह अफ्रिदी र शोएब मल्लिक रहेका छन् ।

विश्वकपमा पाकिस्तानले आफ्नो पहिलो खेल मे ३१ मा वेस्टइन्डिजविरुद्ध खेल्दै छ । यसअघि सम्पन्न ११ पटकको विश्वकपमा पाकिस्तानले सन् १९९२ मा अहिलेका पाकिस्तानका प्रधानमन्त्री इमरान खानको नेतृत्वमा विश्वकप जितेको थियो ।

त्यस्तै पाकिस्तान सन् १९९९ मा विश्वकपको फाइनलमा पुगेर अस्ट्रेलियासँग पराजित भएको थियो ।

सम्बन्धित समाचार

विश्वकप फाइनलमा गल्ति भयो, तर मलाई पछुतो छैन - अम्पायर धर्मसेना

काठमाडौँ । विश्वकप क्रिकेटको फाइनलका श्रीलंकाली अम्पायर कुमार धर्मसेनाले फाइनल खेलमा आफुले गरेको निर्णयबाट कुनै पछुतो नभएको बताएका छन् । श्रीलंकाको सन्डे टाइम्स सँग कुरा गर्दै धर्मसेनाले आफुले फाइनलको अन्तिम ओभरमा

क्रिकेट विश्वकपको सारांश : कुन रेकर्ड कसले बनाए ?

काठमाडौँ । ४६ दिनसम्म चलेको विश्वकप क्रिकेट इङल्याण्डलाई विजेता बनाउदै सकिएको छ । फाइनल खेल निकै विवादमा आएको भएपनि इङल्याण्ड विजेता बनेको छ भने अब क्रिकेटको यो महाकुम्भ अर्को चार बर्षको

जासन रोयको टेस्ट टिममा डेभ्यु, विश्वकपको प्रदर्शनको मिल्यो पुरस्कार !

काठमाडौँ । इङल्याण्डलाई ४४ बर्षको विश्वकपको इतिहासमा पहिलो विश्वकप जिताउन महत्वपूर्ण भूमिका खेलेका ओपनर जासन रोयले टेस्ट टिममा डेभ्यु गर्ने भएका छन् । आयरल्याण्डविरुद्ध इङल्याण्डको एक टेस्ट खेलका लागि रोयलाई डेभ्यु

पाकिस्तानका प्रमुख छनौटकर्ता इन्जमाम उल हकद्वारा राजीनामा 

काठमाडौं  । पाकिस्तान क्रिकेट बोर्डका प्रमुख छनौटकर्ता इन्जमाम उल हकले आफ्नो पदबाट राजीनामा दिएका छन् । इन्जमामले बुधबार पाकिस्तान क्रिकेटको प्रमुख छनौटकर्ताबाट राजीनामा दिने घोषणा गरेका हुन् । उनको कार्यकाल यहि जुलाई


z