मोहमद शाहजादको पिडा-‘म फिट हुदाहुदै पनि विश्वकप खेल्न दिइएन’

खरीबोट

काठमाडौँ । जारी विश्वकप क्रिकेटबाट इन्जुरिका कारण बाहिरिए भनिएका अफगानिस्तानका विकेटकिपर ब्याट्सम्यान मोहमद शाहजादले अफगानिस्तान क्रिकेट बोर्डलाई गम्भीर आरोप लगाएका छन् ।

शाहजादले बोर्डले विश्वकपका लागि खेलाडी छनौटमा भेदभाव गरेको आरोप लगाएका छन् । शाहजाद पाकिस्तानविरुद्धको विश्वकप अघिको वार्म अप खेलका क्रममा चोट लागेको थियो । चोटका बाबजुत पनि शाहजादले अस्ट्रेलिया र श्रीलंकाको विरुद्ध खेलेका थिए । तर चोट गम्भीर भएकाले शाहजाद विश्वकपबाट बाहिरिएका थिए ।

तर शाहजादले अफगानिस्तान फर्केपछि मिडियासँग कुराकानीका क्रममा रुदै आफ्नो फिटनेसमा कुनै समस्या नभएको खुलासा गर्दै आफ्नो इन्जुरी नहुदा पनि विश्वकपबाट बाहिर गरेको आरोप लगाएका छन् ।

साथै शाहजादले मलाई जानकारी नदिई आफु बाहिर भएको विषय मिडियाबाट थाहा पाएको समेत बताए । उनले आफ्नो घुँडाको समस्या पुरानो भएको तर पाकिस्तानविरुद्धको अभ्यास खेलमा सो चोट बढेपछि रिटायर्ड हर्ट भएको बताउदै त्यसपछि भने आफ्नो स्वास्थ्यमा कुनै समस्या नभएको समेत बताए । डाक्टरले समेत २-३ दिनको आरामपछि आफु खेल्न सक्ने भनेको समेत बताए ।

त्यस्तै शाहजादले भने, ‘मसँग कसैको समस्या छ भने मलाई भने हुन्छ । यदि उनीहरु मलाई खेलेको देख्न चाहन्नन् भने क्रिकेटबाट बिदा लिन्छु ।’

तर अफगानिस्तान क्रिकेटका प्रमुख कार्यकारी असदुल्लाह खानले भने शाहजादको ड्रप स्वाभाविक भएको प्रतिक्रिया दिएका छन् । क्रिकइन्फोसँग कुरा गर्दै असदुल्लाहले मेडिकल रिपोर्ट आइसीसीलाई दिएर नै उनको रिप्लेस्मेन्ट भएको बताउदै शाहजाद जस्तो विस्फोटक खेलाडीलाई कुनै टिमले गुमाउन नचाहने बताए ।

शाहजाद घाइते भएको भन्दै अफगानिस्तान क्रिकेट बोर्डले इक्राम अलिखिललाई विश्वकप खेल्न बोलाएको थियो ।  

शाहजादले अफगानिस्तानका तर्फबाट एकदिवसीय क्रिकेट खेलमा उच्च रन बनाउने खेलाडी हुन् । उनले ८४ खेलमा ३३.६६ को औसतले २७२७ रन बनाएका छन् ।

सम्बन्धित समाचार

विश्वकप फाइनलमा गल्ति भयो, तर मलाई पछुतो छैन - अम्पायर धर्मसेना

काठमाडौँ । विश्वकप क्रिकेटको फाइनलका श्रीलंकाली अम्पायर कुमार धर्मसेनाले फाइनल खेलमा आफुले गरेको निर्णयबाट कुनै पछुतो नभएको बताएका छन् । श्रीलंकाको सन्डे टाइम्स सँग कुरा गर्दै धर्मसेनाले आफुले फाइनलको अन्तिम ओभरमा

क्रिकेट विश्वकपको सारांश : कुन रेकर्ड कसले बनाए ?

काठमाडौँ । ४६ दिनसम्म चलेको विश्वकप क्रिकेट इङल्याण्डलाई विजेता बनाउदै सकिएको छ । फाइनल खेल निकै विवादमा आएको भएपनि इङल्याण्ड विजेता बनेको छ भने अब क्रिकेटको यो महाकुम्भ अर्को चार बर्षको

जासन रोयको टेस्ट टिममा डेभ्यु, विश्वकपको प्रदर्शनको मिल्यो पुरस्कार !

काठमाडौँ । इङल्याण्डलाई ४४ बर्षको विश्वकपको इतिहासमा पहिलो विश्वकप जिताउन महत्वपूर्ण भूमिका खेलेका ओपनर जासन रोयले टेस्ट टिममा डेभ्यु गर्ने भएका छन् । आयरल्याण्डविरुद्ध इङल्याण्डको एक टेस्ट खेलका लागि रोयलाई डेभ्यु

पाकिस्तानका प्रमुख छनौटकर्ता इन्जमाम उल हकद्वारा राजीनामा 

काठमाडौं  । पाकिस्तान क्रिकेट बोर्डका प्रमुख छनौटकर्ता इन्जमाम उल हकले आफ्नो पदबाट राजीनामा दिएका छन् । इन्जमामले बुधबार पाकिस्तान क्रिकेटको प्रमुख छनौटकर्ताबाट राजीनामा दिने घोषणा गरेका हुन् । उनको कार्यकाल यहि जुलाई


z