- २०८१ बैशाख १८ मंगलबार
काठमाडौँ । भारतीय तिब्र गतिका बलर जसप्रित बुमराहले एकदिवसीय क्रिकेटमा सय विकेट लिएका छन् ।
बुमराहले अहिले जारी विश्वकप अन्तर्गतको खेलमा श्रीलंकाविरुद्ध विकेट लिदै एकदिवसीय क्रिकेटमा आफ्नो सयौ विकेट लिएका हुन् ।
बुमराहले ५७ खेल खेल्दै सय विकेट लिए । श्रीलंकाका कप्तान दिमुथ करुनारत्नेलाई आउट गर्दै बुमराहले सो सफलता हासिल गरेका हुन् । सय विकेट लिने क्रममा बुमराहले एक पटक ५ विकेट समेत लिएका छन् ।
बुमराह भारतबाट कम खेलमा सय विकेट लिने दोस्रो खेलाडी बनेका छन् । भारतका तर्फबाट ५६ खेलमा सय विकेट लिदै कम खेलमा सय विकेट लिने रेकर्ड मोहमद सामीले राखेका छन् । त्यस्तै भारतबाट इरफान पठानले ५९ खेलमा सय विकेट लिएका थिए ।
एकदिवसीय क्रिकेटमा कम खेलमा सय विकेट लिने रेकर्ड भने अफगानिस्तानका राशिद खानको नाममा रहेको छ । राशिदले ४४ खेलमा सय विकेट लिदै यो रेकर्ड कायम गरेका छन् ।
