- २०८१ जेठ ५ शनिबार
काठमाडौं । राष्ट्रिय खेलकुद परिषद्का नवनियुक्त सदस्य सचिव रमेश सिलवालले पद तथा गोपनीयताको सपथ लिएका छन् ।
युवा तथा खेलकुद मन्त्री जगतबहादुर विश्वकर्माले सिलवाललाई सोमबार मन्त्रालयमा आयोजित कार्यक्रममा सपथ गराएका हुन् ।
नेकपानिकट मदन भण्डारी स्पोर्ट्स एकेडेमीका पूर्व अध्यक्ष समेत रहेका सिलवाललाई सरकारले राखेपको नयाँ सदस्य सचिव नियुक्त गरेको हो । उनी धादिङ बेनीघाटका स्थायी बासिन्दा हुन् ।
गोल्डेन गेट कलेजका सीईओसमेत रहेका उनी नेपाल क्रिकेट संघ (क्यान) निलम्बन हुनुअघि राखेपद्वारा गठित तदर्थ समितिको संयोजक समेत थिए ।
