काठमाडौं । ललितपुरको भैंसेपाटीस्थित मेडिसिटी अस्पतालका चिकित्सक रोहितकुमार झालाई बलात्कार प्रयासको आरोपमा पक्राउ परेका छन् ।
महानगरीय प्रहरी परिसर ललितपुरले झालाई सोमबार साँझ अस्पताल परिसरबाटै नियन्त्रणमा लिइ अनुसन्धान थालेको हो ।
चिकित्सक झाले स्वास्थ्य जाँचका लागि गएकी एक महिलामाथि बलात्कार प्रयास गरेको उजुरी परेपछि झालाई नियन्त्रणमा लिएर अनुसन्धान थालेको प्रहरीले जनाएको छ ।
महानगरीय प्रहरी परिसर ललितपुरका अनुसार आइतबार अस्पताल पुगेकी महिलाले आफूमाथि डाक्टर झाले बलात्कार प्रयास गरेको भन्दै उजुरी दिएपछि पक्राउ गरिएको बताएको छ ।