काठमाडौं । नेकपा माओवादी केन्द्रका स्थायी समिति सदस्य तथा पूर्वमन्त्री वर्षमान पुन थप उपचारका लागि बुधबार थाईल्याण्डको बैंकक जाने भएका छन् ।
पछिल्लो समय जण्डिस रोगबाट पिडित पुनको स्वास्थ्यमा सुधार नभएपछि उनको थप उपचार बैंककमा गरिने भएको उनका स्वकीय सचिव सन्तोष पुनले खरीबोटलाई जानकारी दिएका छन् ।
सोमबार पुनलाई भेट्न गएका माओवादी केन्द्रका अध्यक्ष पुष्पकमल दाहाल प्रचण्डले नेता पुनलाई बैंकक गएर थप उपचार गराउन सुझाव दिएका थिए ।
नेता पुन यसअघि झन्डै दुई वर्षअघि जण्डिसकै कारण गम्भीर बिरामी भएपछि बैंककमै उपचार गरेका थिए ।