- २०८१ बैशाख १७ सोमबार
काठमाडौं । पूर्वडीआईजी रञ्जन कोइराला पक्राउ परेका छन् । कर्तव्य ज्यान मुद्दामा सर्वोच्च अदालतले आफ्नै फैसला उल्ट्याएको दोस्रो दिन शुक्रबार प्रहरीले कोइरालालाई पक्राउ गरेको हो ।
कोइरालालाई काठमाडौंको बानेश्वर क्षेत्रबाट पक्राउ गरिएको प्रहरीले जनाएको छ ।
२०६८ सालमा श्रीमती गीताको हत्या गरी शवसमेत नष्ट गरेका कोइरालालाई २०७१ सालमा काठमाडौं जिल्ला अदालतले सर्वस्वसहित जन्मकैदको सजाय सुनाएको थियो । सो आदेशलाई पुनरावेदन अदालत पाटनले पनि सदर गरेको थियो ।
जेलमा रहेका कोइरालालाई अघिल्लो बर्ष सर्वोच्चमा प्रधानन्यायाधीश जबरा र न्यायाधीश तेजबहादुर केसीको इजलासले बालबच्चाको संरक्षणको मानवीय पक्ष जोडिएको भन्दै कैद ८ बर्ष कायम हुने गरि घटाएको थियो ।
विहिबार कायममुकायम प्रधानन्यायाधीश दीपककुमार कार्की, न्यायाधीशहरू टंकबहादुर मोक्तान र डा. कुमार चुडालसहितको पूर्णइजलासले फैसला उल्टाएको हो ।
