- २०८१ बैशाख १५ शनिबार
काठमान्डौ l ह्वावेले नेपाली विद्यार्थीहरूका लागि सिड्स फर द फ्युचर कम्पनीको ग्लोबल फ्ल्यागशिप सीएसआर कार्यक्रम सुरु गरेको छ । ह्वावेले नेपालमा कार्यक्रम सुरु गरेको यो दोस्रो वर्ष हो । यो कार्यक्रम नेपालका सबै आईसीटी सम्बन्धी विषयका स्नातक तहका विधार्थीहरुका लागि लागु हुनेछ।
कार्यक्रम पहिलो पटक थाइल्याण्ड मा २००८ मा सुरु भएको थियो। त्यसबेलादेखि १३० भन्दा बढी देश र क्षेत्रका १२ हजार भन्दा बढी विद्यार्थीहरूले कार्यक्रममा भाग लिएका छन् । यस वर्ष, प्रतिस्पर्धात्मक आवेदन प्रक्रियाबाट छनोट भएका नेपालका ७ जना विद्यार्थीले अगस्ट १९ देखि अगस्ट २७ सम्म बैंककमा हुने पहिलो क्षेत्रीय कार्यक्रममा सहभागी हुन पाउनेछन् ।
यस वर्ष ह्वावेले नेपालमा युनेस्कोसँग पनि साझेदारी गरेको छ । संस्थाले आफ्नो नेक्स्ट फिफ्टी अभियान अन्तर्गत विद्यार्थीहरूलाई संलग्न गराउनेछ।
उक्त कार्यक्रमले विद्यार्थीहरूलाई नेपालको आईसीटी उद्योगमा पहिलो अन्तर्दृष्टिहरू प्राप्त गर्ने र बैंककको ९ दिनको यात्रा गर्ने अवसर प्रदान गर्नेछ। बैंककमा, विद्यार्थीहरूले फाइभ जी, क्लाउड कम्प्युटिङ र एआई लगायत प्रमुख प्रविधिहरूमा प्रवेश स्तरका पाठ्यक्रमहरू प्राप्त गर्नेछन्,अत्याधुनिक आईसीटी विकासहरू बारे जान्नेछन्, अन्तर्राष्ट्रिय संस्थाहरूको भ्रमण मार्फत अन्तर्राष्ट्रिय परिप्रेक्ष्य विकास गर्नेछन्, विषयहरूको विस्तृत दायरामा दृष्टिकोण साझा गर्ने विशेषज्ञहरूबाट सुन्नेछन्, विभिन्न संस्कृतिहरू अनुभव गर्नेछन् र एशिया प्यासिफिक क्षेत्रबाट साथीहरू बनाउनेछन् र टेक फर गुड समूह परियोजनामा भाग लिनेछन् ।
टेक फर गुड परियोजनाको लागि, विद्यार्थीहरूले वास्तविक-विश्व वातावरणीय वा सामाजिक समस्याहरू विरुद्ध लड्न मौलिक विचार लिएर आउनु पर्ने हुन्छ । टेक फर गुड परियोजनाका विजेता टोलीहरूले पनि अगस्ट २९ देखि सेप्टेम्बर २ सम्म सिंगापुरमा आयोजित टेक फर गुडएक्सेलेटर क्याम्पमा सामेल हुन पाउनेछन् ।
नेपालमा, विद्यार्थीहरूले ह्वावे नेपालको कार्यालयको भ्रमण मार्फत आईसीटी उद्योगमा सुरुवाती कदम चाल्ने मौका पाउने छन् । उद्योग विशेषज्ञहरूबाट कक्षाहरू र रमणीय स्थानमा ह्वावे -निर्मित बेस स्टेशनको यात्रा कार्यक्रम पूरा भएपछि, विद्यार्थीहरू आलुमनाइमा सामेल हुनेछन् जहाँ विशेष वेबिनारहरू, राउन्ड टेबल संवाद, उत्सव कार्यक्रम आदि सबै वर्षभर आयोजित हुनेछन्।
कार्यक्रम उत्कृष्ट शैक्षिक पृष्ठभूमिको साथ कुनै पनि आईसीटी डिस्सीप्लिन का स्नातक विद्यार्थीहरूको लागि खुला छ। विद्यार्थीले www.seedsnepal.com मा गई सो कार्यक्रममा आवेदन दिन सक्नेछन्। आफ्नो भर्खरको मार्कसिट अपलोड गर्नुपर्नेछ, वा यदि तिनीहरू नयाँ विद्यार्थी हुन् भने, उनीहरूको संस्थाबाट सिफारिस पत्र आवश्यक पर्नेछ । ५०० देखि ६०० शब्दको प्रेरणा पत्र पनि आवश्यक छ। त्यसपछि छनोट समितिले अन्तिम अन्तर्वार्तापछि ७ जनालाई छनोट गर्नेछ ।
पत्रकार सम्मेलनमा त्रि.वि. इन्जिनियरिङ इन्स्टिच्युटका डिन प्रा. डा. शशिधर राम जोशीले कार्यक्रमको २०२१ संस्करण निकै रोमाञ्चक भएको स्मरण गर्दै गत वर्ष छनोट भएका विद्यार्थीलाई निकै योग्यका रूपमा प्रशंसा गरेका छन्। "ह्वावेले नेपालको आईसीटी क्षेत्रमा उदीयमान प्रतिभालाई सहयोग गरिरहेको छ । म हाम्रा विद्यार्थीहरूका लागि यस प्रकारको कार्यक्रम आयोजना गरेकोमा ह्वावेलाई धन्यवाद दिन चाहन्छु जहाँ उनीहरूले 5G, क्लाउड र AI बारे सिक्न पाउनेछन्।"
प्रा. तिमिला यामी थापाले कार्यक्रमलाई उत्कृष्ट पहल र ह्वावेलाई प्रविधिको क्षेत्रमा विश्व-लिडर भएको बताइन्। उनले भविष्यका लिडर हुन सक्ने प्रतिभामा लगानी गर्दा दीर्घकालीन फाइदाहरू सरकार र निजी क्षेत्रले समान रूपमा बुझ्नुपर्नेमा जोड दिएका छिन् । उनले ह्वावे को सीड्स फर द फ्युचर कार्यक्रमलाई प्रतिभा विकासका लागि मोडल कार्यक्रम जसले विद्यार्थीहरूलाई नेटवर्किङको ठूलो अवसर दिने बताएकी छिन् । "हाल को प्रतिभाहरूको लागि पुन: सीप र अपस्किलिङ ह्वावे जस्ता बहुराष्ट्रिय कम्पनीहरूसँग सहकार्य गरेर मात्र हुन सक्छ", उनले भनिन् ।
त्रि.वि. इनोभेसन सेन्टरका निर्देशक, प्रा. डा. सुवर्ण शाक्यले ह्वावेलाई अग्रणी आईसीटी कम्पनीको रूपमा प्रशंसा गरे । “नेपालमा आईसीटी पूर्वाधार विकासको ठूलो आवश्यकता छ र त्यसमा ह्वावेले योगदान दिइरहेको छ। ई-गभर्नेन्स र क्लाउड गभर्नेन्स समयको आवश्यकता हो,’ उनले भने । उनले नेपालमा दोस्रो पटक सीड्स फर द फ्युचर कार्यक्रम मार्फत विद्यार्थीहरुलाई उपलब्ध गराएको अवसरका लागि कम्पनीलाई धन्यवाद दिए ।
नेपालका लागि युनेस्कोका प्रतिनिधि माइकल क्रफ्टले कार्यक्रमलाई प्रविधि, युवा र सिकाइबीचको अन्तरसम्बन्ध भएको बताए । ह्वावे र युनेस्कोबीच पहिलेदेखि नै विश्व स्तरमा युवा जनशक्ति र प्रविधिलाई सँगै राख्न विभिन्न क्षेत्रमा काम गर्ने साझेदारी रहेको छ,’ उनले भने । उनले जलवायु परिवर्तन र दिगो विकासका विभिन्न मुद्दाहरू सम्बोधन गर्ने काम युवाहरूले गर्ने भएकाले उनीहरूमा लगानी गर्नुपर्ने आवश्यकतालाई प्रकाश पार्दै ह्वावेको सीड्स फर द फ्युचर कार्यक्रमसँग आबद्ध हुन पाएकोमा खुशी व्यक्त गरे ।
त्यस्तै ह्वावे टेक्नोलोजी नेपालका सीईओ विलियम झाङले यस वर्षको कार्यक्रममा नेपालका विद्यार्थीहरुले अझ बढी उत्साहका साथ सहभागिता जनाउने उनको विश्वास रहेको बताएका छन् ।
झाङले भने, “ह्वावेमा, हामीले बुझेका छौं कि डिजिटल प्रतिभाहरू डिजिटल विकासको जग हो।हामी सबै १७० देश र क्षेत्रहरूमा सक्रिय रूपमा डिजिटल प्रतिभाको विकासलाई बढावा दिइरहेका छौं। मलाई लाग्छ कि हामी सबै सहमत हुन सक्छौं कि नेपालमा डिजिटल रूपान्तरणको ठूलो सम्भावना छ। यस रूपान्तरणको मुटुमा प्रतिभाशाली युवा व्यक्तिहरू हुनेछन्। सीड्स फर द फ्युचर जस्ता कार्यक्रमहरू मार्फत हामी त्यस्ता डिजिटल प्रतिभाहरूको खेतीमा योगदान दिने आशा गर्छौं।
