- २०८१ जेठ ४ शुक्रबार
काठमाडौं । रुपन्देही-२ का गठबन्धनको तर्फबाट संयुक्त उम्मेदवार बनेका नेकपा एकीकृत समाजवादीका राजु गुरुङको उम्मेदवारी कायम भएको छ ।
उम्मेदवारी खारेजीसम्बन्धी रिटमा सर्वोच्च अदालतले अल्पकालीन अन्तरिम आदेश दिएसँगै गुरुङको उम्मेदवारी यथास्थितिमा राखेको निर्वाचन अधिकृतको कार्यालयले जानकारी दिएको हो ।
सोमबार सूचना जारी गर्दै निर्वाचन कार्यालयले अदालतको आदेशअनुसार गुरुङको उम्मेदवारी कायम गरिएको स्पष्ट गरेको छ । यसअघि निर्वाचन कार्यालयले असोज २५ गते गुरुङको उम्मेदवारी खारेज गरेको थियो ।
यस क्षेत्रमा नेकपा एमालेबाट उपाध्यक्ष विष्णु पौडेल उम्मेदवार रहेका छन् ।
