- २०८१ बैशाख १७ सोमबार
नेपालगन्ज । राष्ट्रिय खेलकुद परिषद्का सदस्य–सचिव टंकलाल घिसिङले नेपालगन्ज रंगशालामा सिन्थेटिक ट्रयाकको शिलान्यास गरेका छन् ।
सिन्थेटिक ट्रयाक निर्माणको जिम्मेवारी पाएको पञ्चकन्या÷सिन्कोट्स, कुपण्डोल, ललितपुरले १० महिनामा कार्य सम्पन्न गर्नु पर्ने छ ।
सिन्थेटिक ट्रयाकको शिलान्यासपछि सदस्य–सविच टंकलाल घिसिङले नेपालगन्ज रंगशाला हातामा रहेको पौडी पोखरीलगायतका पूर्वाधारको निरीक्षण पनि गरे ।
सो अवसरमा राष्ट्रिय खेलकुद परिषद्का सदस्य सुमित्रा चौधरी, अन्जन धमला, दिपेन्द्र विष्टलगायतको उपस्थिति रहेको थियो ।
सिन्थेटिक ट्रयाकको लागत ११ करोड ६४ लाख ६४ हजार १ सय ४० रुपैयाँ ३९ पैसा रहेको छ ।
