- २०८१ बैशाख १५ शनिबार
काठमाडौँ । आइतबारदेखि समुन्द्रमा बेपत्ता पनडुब्बी अहिलेसम्म भेटिएको छैन । टाइटानिकको भग्नावशेष अवलोकन गर्न पाँच जना यात्रु बोकेर गएको पनडुब्बीको खोजि कार्य अहिले पनि जारी रहेको छ ।
मिडिया रिपोर्टका अनुसार अब पनडुब्बीमा १० घण्टाको लागि मात्र अक्सिजन बाँकी रहेको छ । क्यानेडियन कोस्ट गार्ड गाडीले लगातार यस पनडुब्बीको बारेमा पत्ता लगाउन प्रयास गरिरहेको बताइएको छ । क्यानडाको कोस्ट गार्डको गाडीले समुद्र भित्रबाट केही आवाज सुनेको खबर एक दिन अगाडि आएपछि पनडुब्बीमा रहेका पाँच जना शकुसल हुनसक्ने आशा जगाएको छ ।
अमेरिकी कोस्ट गार्डले मंगलबार खोजी टोलीहरूले विष्फोट कहाँबाट भएको हो भनेर पत्ता लगाउन पानीमुनि रोबोटिक सर्च अपरेशन (आरओवी) सञ्चालन गरेको बताएको छ ।
अहिले सम्म पनडुब्बीलाई पत्ता लगाउनका विभिन्न कदम चालिएको छ ।
पनडुब्बी पत्ता लगाउन बहुराष्ट्रिय अभियान चलिरहेको छ । यसमा अमेरिकी कोस्ट गार्ड, क्यानेडियन सैन्य विमान, फ्रान्सेली जहाज र टेलिगाइड रोबोटहरू छन् ।
अब धेरै कम अक्सिजन बाँकी रहेकोले उद्धार टोलीहरूले उनीहरुको खोजीका लागि चौबीसै घण्टा काम गरिरहेका छन् ।
यो पनडुब्बी आपतकालीन अवस्थामा ९६ घण्टा अक्सिजन आपूर्ति गर्न डिजाइन गरिएको थियो ।
पनडुब्बीका चालक दलसँग सीमित रासन रहेको बताइएको छ । बेपत्ता जहाजमा रहेका पाँच जनामध्ये बेलायती अर्बपति हमिस हार्डिङ, पाकिस्तानी टाइकुन राजकुमार दाउद र उनका छोरा रहेका छन् ।
पनडुब्बीको खोजी गरिरहेको सोनार क्षमता भएको क्यानाडाली विमानले बुधबार केही आवाज सुनेको थियो। पछि, आवाज उत्पन्न भएको क्षेत्रमा संचालित सवारी साधनहरू चलाइएको थियो । विष्फोटको आवाज आएपछि पनडुब्बीमा सवार मानिसहरु जीवितै छन् भन्ने आशावादी छन् । तर, विज्ञहरूले उनीहरूको स्रोत पुष्टि गर्न सकेका छैनन् ।
कोस्ट गार्ड क्याप्टेन जेमी फ्रेडरिक्सले आवाजहरूको बारेमा केहि पनि स्पष्ट नभएको बताएका छन् । तर अझै पनि मानिसहरूलाई बचाउन सकिन्छ भन्ने आशा छ ।
