काठमाडौँ । लियोनेल मेसी प्रेरित इन्टर मियामीले एमएलएस लिग कपको उपाधि जितेको छ ।
आइतबार विहान सम्पन्न खेलमा इन्टर मियामीले पेनाल्टी सुटआउटमा नाशभिल्ले फुटबल क्लबलाई १०-९ ले पराजित गर्दै लिग कपको उपाधि जितेको हो ।
यसअघि सम्पन्न ९० मिनेटको निर्धारित समयमा दुवै टिमले १-१ गोलको बराबरी गरेका थिए । इन्टर मियामीका लागि लियोनेल मेसीले खेलको २३औं मिनेटमा गोल गर्दै शुरुवाती अग्रता दिलाएका थिए भने नाशभिल्लेका लागि खेलको ५७औँ मिनेटमा फाफा पिकल्टले गोल गर्दै खेल बराबरी गरेका थिए ।
यस लिग कपमा कुल ७ खेल खेलेका मेसीले सर्बाधिक १० गोल गरेका छन् ।
तेस्रो पटक भएको यस लिग कपमा इन्टर मियामीले पहिलो पटक उपाधि जितेको हो । यस अघि २०१९ मा यो उपाधि मेक्सिकन क्लब क्रुज अजुलले जितेको थियो भने २०२१ मा मेक्सिकन क्लब लिओनले जितेको थियो ।