अभिनेत्री रकुल प्रीत र ज्याकी भगनानी वैवाहिक बन्धनमा बाँधिदै

काठमाडौँ । बलिउड अभिनेत्री रकुल प्रीत सिंहले लामो समयदेखिका प्रेमी ज्याकी भगनानीसँग विवाह  गर्दैछिन् । हिन्दुस्तान टाइम्सको रिपोर्ट अनुसार रकुल प्रीत सिंह र ज्याकी भगनानीको विवाह २२ फेब्रुअरीमा गोवामा हुनेछ ।

यो विवाहमा दम्पतीका केही नजिकका आफन्त र साथीभाइ मात्र सहभागी हुनेछन् । दुवैको विवाहपूर्व समारोह २ दिनसम्म चल्ने छ । विवाहको तयारी सुरु गर्नुअघि ज्याकी भगनानीले बैंककमा ब्याचलर पार्टी दिएका थिए ।

रकुल प्रीत सिंहले सन् २०२२ मा आफ्नो र ज्याकीको सम्बन्धको पुष्टि गरेकी थिइन् । अक्टोबर २०२२ मा, उनले ज्याकीसँग एउटा तस्विर साझा गरे र उनलाई आफ्नो जीवनको सबैभन्दा सुन्दर उपहार भनेका थिए । त्यसयता दुवैले प्रायः सँगै तस्बिर सेयर गर्ने गरेका छन् ।