- २०८१ जेठ ३ बिहीबार
काठमाडौँ । गएको २ वर्षदेखि एकअर्काको प्रेममा रहेका अभिनेत्री प्रियंका कार्की र अभिनेता आयुष्मान देशराज जोशीले अन्ततः इन्गेजमेन्ट गरेका छन् । शनिवार एक पारिवारिक जमघटमा दुवैले औँठी इन्गेजमेन्ट गरेका हुन् ।
फिल्म 'कथा काठमाण्डू' को छायांकनको बेलादेखि यी दुवैबीच निकटता बढेको थियो । मिडियामा खुल्लम खुल्ला प्रेममा रहेको बताउँदै आएको यो जोडीको इन्गेजमेन्ट समारोहमा कार्की र जोशी परिवारका सदस्यहरुको मात्र उपस्थिति थियो ।
आयुष्मानकी आमा रविना देशराजले आफ्नो इन्स्टाग्राममा केहि तश्बिर शेयर गर्दै हुनेवाला बुहारी र छोरालाई बधाई दिएकी छन् । यस्तै, पूर्व मिस नेपाल जेनिशा मोक्तानले पनि औँठी साटेका दुवैलाई बधाई दिँदै सामाजिक सञ्जालमा तश्बिर राखेकी छन् ।
इन्गेजमेन्ट भएपनि प्रियंका र आयुष्मानको विवाहको मिति तोकिएको छैन । यी दुवैले 'कथा काठमाण्डू' सँगै 'चंगा चेट' जस्ता फिल्ममा काम गरिसकेका छन् ।
