३३ किलो सुन तस्कर प्रकरण : एसएसपी लोहनीलाई साधारण तारेखमा छोड्ने आदेश 

खरीबोट

माेरङ।  सनम शाक्य हत्या काण्ड तथा ३३ किलो सुन तस्करी आरोपमा जिल्ला अदालत मोरङबाट पुर्पक्षको लागि जेल चलान भएका एसएसपी दिवेश लोहनीलाई उच्च अदालत मोरङले साधारण तारेखमा छोड्ने आदेश दिएको छ ।  

सुन तस्करीमा संलग्न दिबेश लोहनीकाे सनम शाक्य हत्यासँग सम्बन्धित बिषयमा तथा सुनको चोरी पैठारी तथा निकासीमा संलग्नता रहेको भन्दै जिल्ला अदालतले पुर्पक्षको लागि कारागार झुम्का पाठाएकोमा उच्च अदालत मोरङले उनलाई साधारण तारेखमा छाड्ने आदेश दिएको हो ।  

उच्च अदालतका शाखा अधिकृत राजप्रसाद दाहालले लोहनीलाई साधारण तारेखमा छाड्ने आदेश भएको जानकारी दिँदै उनी आजैदेखि रिहाई हुने बताए ।

२०७५ साल जेठ ८ गते जिल्ला अदालतको आदेशलाई पुनरावलोकन गर्न माग गर्दै लोहनी मुलुकी ऐनको अदालती बन्दोबस्ती महलको १७ नम्बर अनुसार उच्च अदालतमा आफू निर्दोष रहेको दावी गर्दै निवेदन दिएका थिए ।

उच्च अदालतका न्यायाधीश नागेन्द्रलाभ कर्ण र शरद सुबेदीको संयुक्त इजलासले लोहनीलाई सादा तारेखमा राख्न आदेश दिएको दाहालले बताए ।

लोहनीले जिल्ला अदालत मोरङले बेरितको आदेश गरेकाले बदर गरी पाउँ भनी हालेकाे निवेदनमा उच्च अदालतको यस्तो आदेश आएको हो ।  आदेशमा प्रतिवादी लोहनीको हकमा आरोप, कसुर र सजाय एवं तत्काल संलग्न मिसिल र प्रमाणको रोहमा मिलेको नदेखिँदा निजको हकमा अदालती बन्दोबस्तको ४७ नम्बर बमोजिम तारेखमा राखी मुद्दा किनारा गर्न जिल्ला अदालत मोरङलाई आदेश दिएको छ ।   

साढे ३३ किलो सुन काण्ड र सनम हत्याकाण्डका २४ अभियुक्तको आज पेसी तोकिएको थियो । जसमध्ये एक जनाका कानून व्यवसायीले स्थगित गर्न माग गरे बमोजिम स्थगित भएको थियो भने २२ वटा हेर्न नभ्याउनेमा परेका थिए ।

जिल्ला अदालत मोरङले गरेको बेरितको आदेश बदर गरीपाउँ भन्ने निवेदनमा यस अघि नै उच्च अदालतले १० वटाको आदेश गरिसकेको छ । जसमध्ये आठ वटाको हकमा जिल्ला अदालतको आदेशलाई सदर गरेको थियो ।

वरिष्ठ प्रहरी उपरिक्षक श्याम खत्रीका सवारी चालक विष्णुबहादुर खड्कालाई १५ हजार रूपैयाँ धरौटीमा छाड्ने र अंगरक्षक अम्बरबहादुर थापा मगरलाई साधारण तारेखमा छाड्ने जिल्ला अदालत मोरङको आदेश भने उच्च अदालतले बदर गरेर उनीहरूलाई पुर्पक्षका लागि थुनामा राख्ने आदेश गरेको थियो ।   

सम्बन्धित समाचार

३३ किलो सुन तस्कर प्रकरण : एसएसपी लोहनीलाई साधारण तारेखमा छोड्ने आदेश 

माेरङ।  सनम शाक्य हत्या काण्ड तथा ३३ किलो सुन तस्करी आरोपमा जिल्ला अदालत मोरङबाट पुर्पक्षको लागि जेल चलान भएका एसएसपी दिवेश लोहनीलाई उच्च अदालत मोरङले साधारण तारेखमा छोड्ने आदेश दिएको

गोरेको पक्राउ हो कि आत्मसमर्पण ? छानबिन समितिको दाबीमा प्रश्न उठ्यो !

काठमाडौं । मंगलबार बिहानै ५:३४ बजे कामनपा ८ गौरीघाटबाट करोडौँको सुन तस्करीका नाइके मानिएका गोरे अर्थात् चूडामणि उप्रेती पक्राउ परेको सुन तस्करीबारे छानबिन गर्न सरकारले गठन गरेको विशेष समितिले गृह


z