- २०८१ बैशाख १५ शनिबार
काठमाडौँ । श्रीलंकाले न्युजील्याण्डमाथि पहिलो इनिंगमा १८ रनको अग्रता लिएको छ । खेलको तेस्रो दिन श्रीलंका पहिलो इनिंगमा २६७ रनमा अल आउट भएपछि न्युजील्याण्डमाथि १८ रनको अग्रता हासिल गरेको हो ।
श्रीलंकाका लागि निरोशन डिकवेलाले सर्वाधिक ६१ रन बनाएका थिए । त्यस्तै कुसल मेन्डिजले ५३ रङ बनाए भने एन्जोलो म्याथ्युजले ५० रन बनाएका थिए ।
त्यस्तै डिमुथ करुणारत्नेले ३९ र सुरंगा लकमलले ४० रन बनाएका थिए ।
न्युजील्याण्डका बलर एजाज पटेलले सर्वाधिक ५ विकेट लिए भने विलियम सोमेरभिलले ३ तथा ट्रेन्ट बोल्टले २ विकेट लिए ।
पहिलो दिन बर्षाले प्रभावित खेलमा न्युजील्याण्डले २०३ रन बनाएकोमा दोस्रो दिन थप ४६ रन बनाउदा सबै विकेट गुमाएको छ ।
यस अघि न्युजील्याण्ड पहिलो इनिंगमा २४९ रन बनाएर अल आउट भएको थियो । जसमा न्युजील्याण्डका रोज टेलर ८६ रन बनाएर आउट भए भने हेनरी निकोल्सले ४२ रन बनाएर आउट भए भने जीत रावलले ३३ र टम लाथमले ३० रन बनाएर आउट भए ।
त्यस्तै श्रीलंकाका बलर अकिला धनन्जयले ५ विकेट लिए भने सुरंगा लकमलले ४ विकेट लिएका थिए ।
अहिले श्रीलंकाले आफ्नो दोस्रो इनिंग ब्याटिंग गरिरहेको छ ।
श्रीलंका भ्रमणमा रहेको न्युजील्याण्डले टेस्ट च्याम्पियनसिप अन्तर्गत श्रीलंकाविरुद्ध २ टेस्ट र तीन टी-२० खेल खेल्ने छ ।
