- २०८१ बैशाख १७ सोमबार
काठमाडौँ । नेपाल पुलिस अपराजित रहदै पीएम कपको फाइनलमा पुगेको छ ।
विहिबार सम्पन्न लिग चरणको अन्तिम खेलमा नेपाल पुलिस क्लबले सुदूरपश्चिम प्रदेशलाई ७८ रनले पराजित गरेपछि प्रतियोगितामा अपराजित हुदै फाइनल खेल्ने भएको हो ।
नेपाल पुलिस क्लबले दिएको १९९ रनको लक्ष्य पछाएको सुदूरपश्चिम प्रदेशले ३७.१ ओभरमा अलआउट हुदै १२० रन बनाएको थियो ।
यस अघि पुलिस क्लबले पहिला ब्याटिंग गर्दै ४७.५ ओभरमा अल आउट भएर १९८ रन बनाएको थियो ।
मौसम खराब भएपछि यो खेल ४९-४९ ओभर खेलाइएको थियो ।
योजितसँगै पुलिस क्लबले प्रतियोगितामा आफ्ना सबै ९ खेलमा जित हासिल गर्दै १८ अंक हासिल गरेको छ । अब पुलिसले फाइनलमा शनिबार ९ खेलमा १४ अंक हासिल गर्दै दोस्रो स्थानमा रहेको त्रिभुवन आर्मी क्लबसँग खेल्ने छ ।
योहारसँगै सुदूरपश्चिम प्रदेश ९ खेलमा ८ अंकसहित छैटौं स्थानमा रहेर प्रतियोगिता सकाएको छ ।
