विराटनगरलाई पराजित गर्दै चितवन इलिमिनेटरमा, यस्तो छ अर्को चरणको समीकरण 

खरीबोट

काठमाडौँ। नमस्ते पोखरा प्रिमियर लिग (पिपिएल) अन्तर्गत समुह चरणको अन्तिम खेलमा विराटनगर टाइटन्सलाई चितवन राइनोजले ४ विकेटले पराजित गरेको छ। चितवनले विराटनगरलाई पराजित गरेसँगै धनगढी ब्लुज प्रतियोगिताबाट बाहिरिएको छ । 

समुह चरणको अन्तिम खेल पछि पोखरा पल्टन अंक तालिकामा शिर्ष स्थान हासिल गर्दै सिधै फाइनलमा प्रवेश गरेको छ भने चितवन राइनोज दोस्रो र काठमाडौँ रोयल्स तेस्रो हुदै इलिमिनेटरमा प्रवेश गरेका छन्। 

त्यस्तै बुटवल ब्लाष्टर्स, धनगढी ब्लुज र विराटनगर टाइटन्स प्रतियोगिताको समुह चरणबाटै बाहिरिएका छन्। 

यस खेलमा १४६ रनको लक्ष्य पाएको चितवन राइनोजले १९.३ ओभरमा ६ विकेट गुमाएर लक्ष्य पुरा गरेको थियो । चितवनका लागि सन्नी पटेलले अविजित ५१ रन बनाएका थिए भने आरिफ सेखले ३५ रन बनाए भने सन्नी पटेलले ३३ रन बनाएका थिए। त्यस्तै स्मित पटेलले २१ रनको योगदान दिएका थिए। 

विराटनगरका लागि सन्दीप लामीछानेले सर्वाधिक ४ विकेट लिएका थिए। सन्दीपले एक मेडनसहित २५ रन दिएर ४ विकेट लिएका थिए। त्यस्तै सुनिल धमला र शहाब आलमले एक एक विकेट लिएका थिए। 

यसअघि टस जितेर पहिला ब्याटिंग गरेको विराटनगरले २० ओभरमा ५ विकेट गुमाएर १४५ रन बनाएको थियो। विराटनगरका लागि मोहमद जैद आलमले सर्वाधिक ५१ रन बनाएका थिए भने सुनिल धमलाले ४७ रन बनाएका थिए। त्यस्तै प्रदीप ऐरी र पुष्प थापाले ११-११ रन बनाएका थिए। चितवनका बलर कप्तान पारस खड्का र स्मित पटेलले २-२ विकेट लिएका थिए भने करन केसीले एक विकेट लिएका थिए।  

२४ बलमा ५१ रन अविजित बनाएका चितवनका सन्नी पटेल खेलको म्यान अफ द म्याच बनेका छन्। 
 
इलिमिनेटरको खेल चितवन राइनोज र काठमाडौँ रोयल्सबीच आइतबार हुने छ भने फाइनल खेल पोखरा पल्टन र इलिमिनेटरको विजेताबीच मंगलबार हुने छ । 

सम्बन्धित समाचार

पिपिएलका उत्कृष्ट खेलाडी, कसले कुन पुरस्कार पाए ?

पोखरा।  पोखरा प्रिमियर लिग (पीपीएल) क्रिकेट प्रतियोगिताको सर्वोत्कृष्ट खेलाडीमा चितवन राईनोजका भारतीय खेलाडी सन्नी पटेल चुनिएका छन्।  सन्नी पटेलले चितवनका लागि ७ खेलमा ६४.६६ को औसतले १९४ रन बनाएका थिए भने

पोखरा प्रिमियर लिगको उपाधि पोखरा पल्टनले जित्यो

काठमाडौँ।  नमस्ते पोखरा प्रिमियर लिग (पिपिएल) को उपाधि पोखरा पल्टनले जितेको छ । आज भएको फाइनलमा चितवन राइनोजलाई ३ विकेटले पराजित गर्दै पहिलो पिपिएलको उपाधि घरेलु टिम पोखराले जितेको हो . चितवन

पिपिएल फाइनल : पारसको अर्धशतकसँगै चितवनले पोखरालाई दियो १६१ रनको लक्ष्य

काठमाडौँ।  नमस्ते पोखरा प्रिमियर लिग (पिपिएल) को फाइनलमा चितवन राइनोजले पोखरा पल्टनलाई १६१ रनको लक्ष्य दिएको छ। आज टस हारेर पहिला ब्याटिंग गरेको चितवनले २० ओभरमा ५ विकेट गुमाउदै १६०

पिपिएलको उपाधिका लागि चितवन र पोखरा भिड्दै, यस्तो छ फाइनलसम्मको यात्रा 

काठमाडौँ। नमस्ते पोखरा प्रिमियर लिग (पिपिएल) को अब फाइनल खेल मंगलबार हुदै छ। प्रतियोगिताको फाइनलमा पोखरा पल्टन र चितवन राइनोजले उपाधिका लागि आज खेल्दै छन्। बिहान ११ बजेदेखि हुने यस


z