जनकपुरधाम । जनकपुर विमानस्थलमा तोडफोड गरेको आरोपमा पक्राउ परेका राजपा सांसद प्रमोदकुमार साह साधारण तारेखमा रिहा भएका छन् ।
जिल्ला अदालत धनुषाले सांसद साहलाई साधारण तारेखमा रिहा गर्न आदेश दिएको हो ।
साहलाई गत मंगलबार महानगरीय प्रहरी काठमाडौँले पक्राउ गरेको थियो । गत बुधबार धनुषा अदालतले चार दिनको म्याद थप गर्दै अनुसन्धान गर्ने अनुमति दिएको थियो ।
गत सोमबार साहले जहाज उडाउन ढिलाइ गरेको भन्दै जनकपुर विमानस्थलमा रहेको बुद्ध एयरको काउन्टरमा तोडफोड गरेका थिए ।