काठमाडौँ । आबुधाबीमा जारी टी-१० लिगमा सोमपाल कामीले घातक बलिङ गरेका छन् ।
अहिले जारी खेलमा डेकन ग्लाड़ीयटर्सविरुद्ध सोमपालले एकै ओभरमा दुई विकेट लिएका छन् । मराठा अरेबियन्सले टस जितेर डेकनलाई ब्याटिंगका लागि बोलाएको खेलमा सोमपालले उत्कृष्ट प्रदर्शन गरेका हुन् ।
सोमपालले आफ्नो पहिलो ओभरमा केवल २ रन दिएर २ विकेट लिएका हुन् । त्यस्तै उनले दोस्रो ओभरमा १० रन दिएका थिए ।
त्यस्तै सोमपालले यस खेलमा २ ओभरमा १२ रन दिएर २ विकेट लिदै आफ्नो स्पेल पुरा गरेका छन् । यस अघिका खेलमा धेरै रन दिएका सोमपालले यस खेलमा भने उत्कृष्ट प्रदर्शन गरेका छन् ।
योसँगै सोमपालले जारी टी-१० लिगमा ६ खेलमा तीन विकेट लिएका छन् ।
डेकनले १० ओभरमा ४ विकेट गुमाउदै १२० रन बनाएको छ भने मराठालाई १२१ रनको लक्ष्य दिएको छ ।