- २०८३ कार्तिक ३० सोमबार
काठमाडौँ । पछिल्लो २४ घण्टामा देशका विभिन्न स्थानमा भएका सवारी दुर्घटनामा ७ जनाको मृत्यु भएको छ भने १४९ जना घाइते भएका छन् ।
नेपाल प्रहरीले दिएको जानकारी अनुसार दुर्घटनामा लुम्बिनी प्रदेशमा ३ जनाको मृत्यु भएको छ भने कोशी प्रदेशमा २ जना तथा गण्डकी र बागमती प्रदेशमा एक एक जनाको मृत्यु भएको छ ।
त्यस्तै देशभर भएका दुर्घटनामा १४९ जना घाइते भएका छन् । जस अनुसार मधेश प्रदेशमा ४१ जना घाइते भएका छन् भने कोशीमा २३ जना, काठमाडौँ उपत्यकामा १० जना, सुदूरपश्चिममा ९ जना, बागमतीमा ९ जना घाइते भएका छन् भने लुम्बिनीमा ३९ जना, कर्णालीमा ८ जना र गण्डकीमा १० जना घाइते भएका छन् ।
