पिपिएलका उत्कृष्ट खेलाडी, कसले कुन पुरस्कार पाए ?

खरीबोट

पिपिएलको उपाधि जितेपछि पोखरा पल्टनका खेलाडीहरु।

पोखरा।  पोखरा प्रिमियर लिग (पीपीएल) क्रिकेट प्रतियोगिताको सर्वोत्कृष्ट खेलाडीमा चितवन राईनोजका भारतीय खेलाडी सन्नी पटेल चुनिएका छन्। 

सन्नी पटेलले चितवनका लागि ७ खेलमा ६४.६६ को औसतले १९४ रन बनाएका थिए भने ७ खेलमा १० विकेट लिदै प्रतियोगित मा दोस्रो धेरै विकेट लिने खेलाडी बनेका थिए। चितवनलाई फाइनलसम्म पुर्‍याउन महत्वपूर्ण योगदान दिएका सन्नीले पीपीएलको सर्वोत्कृष्ट खेलाडी चुनिदै सुजुकीको एक थान मोटरसाइकल पाएका छन्। 

चितवन राइनोजकै करण केसी प्रतियोगिताको सर्वोत्कृष्ट बलर तथा काठमाडौं रोयल्सका गौरभ तोमर सर्वोत्कृष्ट ब्याट्सम्यान चुनिए। करण र तोमरले पनि सुजुकीको एक÷एक थान मोटरसाइकल पाए। करणले प्रतियोगितामा ७ खेलमा १२ विकेट लिदै प्रतियोगितामा धेरै विकेट लिएका थिए। त्यस्तै गौरभले ६ खेलमा २१२ रन बनाउदै धेरै रन बनाउने खेलाडीमा दोस्रो स्थानमा रहे भने बलिङतर्फ पनि ४ विकेट लिएका थिए।  

पोखरा पल्टनका रसीद खान उदीयमान खेलाडी चुनिए। त्यसबापत उनले ५१ हजार प्राप्त गरे। रसीद खानले ६ खेलमा ७ विकेट लिएका थिए। 
पोखरा पल्टनका अर्का खेलाडी ललितनारायण राजवंशी प्रतियोगिताको ‘मोष्ट भ्यालुएवल’ खेलाडी चुनिए। त्यस बापत उनले एक लाख एक हजार प्राप्त गरे। ललितले प्रतियोगितामा ६ खेलमा १० विकेट लिएका थिए। 

प्रतियोगिताका निर्देशकसमेत रहेका भारतीय उमेश पटुवाल नेतृत्वको समूहले प्रतियोगिताको सर्वाेत्कृष्ट खेलाडीको चयन गरेको हो।

प्रतियोगिताको सर्वोत्कृष्ट खेलाडी
सन्नी पटेल, चितवन राईनोज
सुजुकीको मोटरसाइकल

इमर्जिङ प्लेयर
रसीद खान, पोखरा पल्टन
५१ हजार

उत्कृष्ट बलर
करण केसी, चितवन राइनोज
सुजुकीको मोटरसाइकल

उत्कष्ट ब्याट्सम्यान 
गौरभ तोमर, काठमाडौं रोयल्स
सुजुकीको मोटरसाइकल

मोस्ट भ्यालुएवल खेलाडी
ललितनारायण राजवंशी, पोखरा पल्टन
एक लाख एक हजार 

सम्बन्धित समाचार

पिपिएलका उत्कृष्ट खेलाडी, कसले कुन पुरस्कार पाए ?

पोखरा।  पोखरा प्रिमियर लिग (पीपीएल) क्रिकेट प्रतियोगिताको सर्वोत्कृष्ट खेलाडीमा चितवन राईनोजका भारतीय खेलाडी सन्नी पटेल चुनिएका छन्।  सन्नी पटेलले चितवनका लागि ७ खेलमा ६४.६६ को औसतले १९४ रन बनाएका थिए भने

पोखरा प्रिमियर लिगको उपाधि पोखरा पल्टनले जित्यो

काठमाडौँ।  नमस्ते पोखरा प्रिमियर लिग (पिपिएल) को उपाधि पोखरा पल्टनले जितेको छ । आज भएको फाइनलमा चितवन राइनोजलाई ३ विकेटले पराजित गर्दै पहिलो पिपिएलको उपाधि घरेलु टिम पोखराले जितेको हो . चितवन

पिपिएल फाइनल : पारसको अर्धशतकसँगै चितवनले पोखरालाई दियो १६१ रनको लक्ष्य

काठमाडौँ।  नमस्ते पोखरा प्रिमियर लिग (पिपिएल) को फाइनलमा चितवन राइनोजले पोखरा पल्टनलाई १६१ रनको लक्ष्य दिएको छ। आज टस हारेर पहिला ब्याटिंग गरेको चितवनले २० ओभरमा ५ विकेट गुमाउदै १६०

पिपिएलको उपाधिका लागि चितवन र पोखरा भिड्दै, यस्तो छ फाइनलसम्मको यात्रा 

काठमाडौँ। नमस्ते पोखरा प्रिमियर लिग (पिपिएल) को अब फाइनल खेल मंगलबार हुदै छ। प्रतियोगिताको फाइनलमा पोखरा पल्टन र चितवन राइनोजले उपाधिका लागि आज खेल्दै छन्। बिहान ११ बजेदेखि हुने यस


z