- २०८१ बैशाख २२ शनिबार
काठमाडौँ । इङलिश प्रिमियर लिग अन्तर्गत म्यानचेस्टर युनाइटेड बराबरीमा रोकिएको छ ।
गएराती सम्पन्न खेलमा युनाइटेड वल्भरहम्पटनसँग १-१ गोलको बराबरीमा रोइकिएको हो ।
युनाइटेडका लागि एन्टोनी मार्सियलले एक गोल गरे भने वल्भरका लागि रुबेन नेभेजले एक गोल गरेका थिए ।
युनाइटेडका लागि पाउल पोग्वाले पेनाल्टी मिस गरेका थिए । खेलको ६८औ मिनेटमा पेनाल्टी पाएको युनाइटेडका लागि पोग्वाले हानेको पेनाल्टी वल्भरका गोल किपर रुई पाट्रीसियोले बचाएका थिए ।
पोग्वाले गत एक बर्षमा युनाइटेडका लागि अहिलेसम्म चार पेनाल्टी मिस गरेका छन् ।
यो सँगै वल्भरले लगातार तेस्रो पटक प्रिमियर लिगमा युनाइटेडसँग अपराजित भएको छ ।
यस सिजनको पहिलो खेलमा चेल्सीलाई पराजित गरेको युनाइटेड दोस्रो खेलमा बराबरीमा रोकिदा अब २ खेलमा ४ अंक बटुलेको छ ।
युनाइटेडले अब आगामी शनिबार क्रिस्टल प्यालेसविरुद्ध खेल्दै छ ।
खेलको हाइलाइट :
