- २०८१ बैशाख १७ सोमबार
काठमाडौँ। दशैँमा प्रदर्शनमा आउने भनिएको प्रतिक्षीत फिल्म ‘छक्का पञ्जा ३’ को अफिसियल ट्रेलर सार्वजनिक गरिएको छ । एककार्यक्रमका बीच छक्का पञ्जा ३ को ट्रेलर सार्वजनिक गर्दै रिलिज मिति पनि सार्वजनिक गरिएको छ। फिल्म असोज २४ गते घटस्थापनाको दिन रिलिज हुने भएको छ।
दिपकराज गिरी, दीपिका प्रसाइँ, केदार घिमिरे, जितु नेपाल र बुद्धि तामाङ आ-आफ्नो चरित्रमा प्रस्तुत छन् । आमा सरस्वती मुभिज र आईएमईएको संयुक्त प्रस्तुति रहेको फिल्मलाई दीपाश्री निरौलले निर्देशन गरेकी हुन् ।
फिल्ममा नीर शाह, शिवहरी पौडेल, विल्सन विक्रम राई, किरण केसीलगायतको पनि अभिनय छ । प्रियंका कार्की, स्वस्तिमा खड्का, बर्षा राउत र संजोग कोइराला गेस्ट रोलमा छन् ।
‘छक्का पञ्जा ३’ को कथा दीपक आफैंले लेखेका हुन् । फिल्ममा केदार घिमिरे (माग्ने बुढा) र जितु नेपाल (मुन्द्रे) कार्यकारी निर्माताको रुपमा छन् । दीपक, केदार, जितु र यमन श्रेष्ठले डाइलग लेखेका हुन् ।
